Entre as actividades formativas e recreativas que anualmente se celebran neste centro, menciónanse:
- Cursos de gaita, percusión e baile
galego - Conferencias e charlas informativas
- Xantares de confraternidade
- Xogos e concursos (loto, dominó,
cartas, etc) - Excursións lúdico-culturais
Entre as celebracións que levan a cabo durante todo o ano destaca a festa “Galicia canta e baila en Marsella”, que se fai todos os anos coincidindo co domingo de Pentecostes no Parque do Grillón, apoiada pola Municipalidade de Vitrolles, onde se dan cita milleiros de persoas e no transcurso da cal (sábado e domingo) se celebran bailes e verbenas populares, así como actuacións de distintos grupos folclóricos.
- Outras celebracións son:
Día das Letras Galegas
Festa de Reis, Carnavais
Aniversario da entidade
Magosto
Nadal e
Fin de Ano.
A sección de Xuventude do centro organiza bailes todos os sábados. Sinalar nesta sección que dez dos seus membros asistiron ó Foro da Xuventude, que tivo lugar no Monte do Gozo (Santiago de Compostela) o día 12 de Agosto de 2004, dentro dos actos organizados con motivo do IV Día da Galicia Exterior.
O seu “Grupo folclórico do Centro Galego de Marsella” participa en todos os eventos que organiza, ou aos que acude, o Centro e tamén en diferentes festivais folclóricos que se celebran en distintas localidades francesas onde as súas actuacións se contan por éxitos.
Publican o “Boletín del Centro Gallego de Marsella” de periodicidade mensual e no que poden participar todos os socios que o desexen. Nel detállanse as actividades programadas para o mes seguinte e informa de todas as axudas e programas que poidan interesar aos emigrantes e convocadas tanto pola Xunta de Galicia como pola Administración Central.
